*****
ابريت يا عزيز بلاك .... امسك دواك ماني امدور
اوعيت والدي بكاي....خذيت حرفته خوف من الغضب
ان قلت يا العين اوهام.... اتقول لوذبي فيهن اشوي
ايماً وفيك عزيز .... مسمح عليك يا دار برمتي
مشَى العَقل شَوْر الدّار بيُوْض رقْعته نار جابْها
يا العَيْن داجي الدَّمْع..... أَكْثَر الغَيْظ مازال لاوْرا
واتريدني انداجي الدمع .... فضلة زمان واوهام سوتهن
ولهانه مشت للدار .... صطار جري عيني روحت
قليل كان فيه انغفى ... مطول الليل يا راقدينه
العب بغايتك يا ياس... عقاب عمر والدار سوتهت
بالعَين رَيْت ما مِن دار ....تستاهَل دمُوع وسايبة
عالدار وين ما جبيت .... انفسي اعلي والعين رقرقت
تدعيس ما عليه اطعمة ...حتى النوم يا هوه مندفر
نلقان جيرتي للدار...سبايب مرض هي بروحها
نقص عزيز سامحناه... قضا ايام فينا وانتهن
سماحة الغلا ترجاه ... وتذوق عازته نين تنقهر
مليت من خلا لوهام ... وتقدر تقول حتي من البكا
نضايق انكان اوعيت ....والنوم من المنامات كارهه
مشهور خاطري بالعزم ... و البارح بكا مو من عادته
رديت عالبكا ملزوم .... مليان والمشاكي شاويه
لافقيه لابندار ... يقدر يحيد ياعين فجعتك
العقل يا العين اظلمك.... تكابك علي دار ناسية
اذهبن شيرتي بالدمع... الهن اوهام هاناك وهنا
ابريت يا عزيز بلاك .... امسك دواك ماني امدور
اوعيت والدي بكاي....خذيت حرفته خوف من الغضب
ان قلت يا العين اوهام.... اتقول لوذبي فيهن اشوي
ايماً وفيك عزيز .... مسمح عليك يا دار برمتي
مشَى العَقل شَوْر الدّار بيُوْض رقْعته نار جابْها
يا العَيْن داجي الدَّمْع..... أَكْثَر الغَيْظ مازال لاوْرا
واتريدني انداجي الدمع .... فضلة زمان واوهام سوتهن
ولهانه مشت للدار .... صطار جري عيني روحت
قليل كان فيه انغفى ... مطول الليل يا راقدينه
العب بغايتك يا ياس... عقاب عمر والدار سوتهت
بالعَين رَيْت ما مِن دار ....تستاهَل دمُوع وسايبة
عالدار وين ما جبيت .... انفسي اعلي والعين رقرقت
تدعيس ما عليه اطعمة ...حتى النوم يا هوه مندفر
نلقان جيرتي للدار...سبايب مرض هي بروحها
نقص عزيز سامحناه... قضا ايام فينا وانتهن
سماحة الغلا ترجاه ... وتذوق عازته نين تنقهر
مليت من خلا لوهام ... وتقدر تقول حتي من البكا
نضايق انكان اوعيت ....والنوم من المنامات كارهه
مشهور خاطري بالعزم ... و البارح بكا مو من عادته
رديت عالبكا ملزوم .... مليان والمشاكي شاويه
لافقيه لابندار ... يقدر يحيد ياعين فجعتك
العقل يا العين اظلمك.... تكابك علي دار ناسية
اذهبن شيرتي بالدمع... الهن اوهام هاناك وهنا