منتدى الغناي: ابراهيم بوعزيزة ........... ادارة محمد العياط

مرحب في منتدى الغناي :
ابراهيم بوعزيزة
نرجو من الاخوة الاعضاء الردود على مساهمتنا في المنتدى وبارك الله فيكم
اول شريط صوتي للغناي ابراهيم بوعزيزة في المنتدى

    خلك م الكلام

    شاطر

    عاشق بوعزيزة

    عدد المساهمات : 336
    تاريخ التسجيل : 20/07/2011

    خلك م الكلام

    مُساهمة  عاشق بوعزيزة في الجمعة مارس 09, 2012 10:09 pm

    قصيدة لشاعر : أبوبكر حويه ::

    خلك م الكلام ... ان قتلك درت في غيابك اعزام ... امغير كلام خلك م الكلام
    خلك يا حبيب .. يا بو قلب طيب يا الطيب .. يا البعيد مني يا القريب .. يا جيياي ديما فالمنام
    عمري فيك ماشوري انسيب ... وعمري فيك ما نايس اقسام
    مهما حط من طاري وطيب ... مهما دق دقاقي ارمام
    ظنك في عمري مانخيب ... لك مازلت ولغيرك حرام
    خلك خود الراي ... وكون امعاي ماتبقا احداي
    اهناك ناس ياداي ودواي ... دواهم داي دبلاجة افلام
    ان قالو قول في ومن وراي ... عطيتك علم دوس بالقدام
    وقول عزيز مايصبر بلاي ... وهدا الصحيح ليا يوم الاختام
    خلك ملقطاف ... مافكرت لحظة بلخلاف
    بلاك العقل ياصايف اصياف ... وموش بعيد يلفالا عدام
    يجري جري شور التلاف ... وراك اسببه ياسمح الابسام
    تنظر فيه مريوح ايتراف ... مغير عليش قلت ها لرحام
    حتى انكان في صوبي اتعاف ... عند العقل راك صاحب مقام
    وما للعيب يعرف شي سلاف ... طبك فيه ياغالي حرام
    روف عليه فيه الله خاف ... وعد القبر ساعات الظلام
    خلك م ادواوي ... فيك العقل ماسكاته رساوي
    مغير عليك ماعندا حكاوي ... يا بو دور كي ريش النعام
    يا بوعين كي عين النداوي ... يا بو هدب ظلل ع الميام
    يا بو جوف تحته وسط خاوي ... اتقول اضراب داير ع الطعام
    نصيبك وين نلقاها فتاوي ... وين اندوح بدموع الايتام
    صعيب انسو حتى لجلاوي ... يابال انتي ماي عشرة ايام
    من اول صوم وني فيك غاوي ... ولي بعدك سطاش لصيام
    خلك م السهاري ... موحك راح حوسلي مداري
    مافرقت ليلي من نهاري ... دونك توق توقت بدر تام
    ان دار عقل فغيابك انظاري ... ان قلت ريت مكحول لميام
    عليك اتعد ماسية انواري ... امعاك انكون قاسي في الملام
    انقول انتقت عيبي ادراري ... وانقول ان تقت نسكت والسلام

    خلك م الكلام ... ان قتلك درت في غيابك اعزام ... امغير كلام خلك م الكلام

      الوقت/التاريخ الآن هو الخميس ديسمبر 13, 2018 1:21 pm