صالح الدرسي زاويه العرقوب 0927263328
عليهم رايفنا يا عين ...غوالى غابو قلنا وين
ننشد فى تقاز انحايل ...ما على الغالى جاب دلايل
مازالو لولاف غوالي...نين انموت وهم في بالي
ما تخطر على البال جديده...غالى يقتل غالى بيده
موساهل لولاف ارضاهم...كان قعدنا يوم بلاهم
حامل ضيم زمانى كله...لكن فقد الغالى عله
غلا لولاف انوارى فيه ...خايف م الحساد عليه
عقلى ما نظلم به والى ...حاصل بين ايدين غوالى
ثلاثة فاقدهن فى يوم ...الغالي والراحة والنوم
مريض أنعاني حال أعداك...دواء ماعندي غير غلاك
كنتوا يا لولاف دوانا...كي غبتوا تميتوا دانا
بعد مرجا واجد وارياف...ان شاء الله تزهى باللولاف
مشيت مع لولاف طريق ...اتلف او تستاسع و اظيق
درت غلا ما عمرى درته ... لكن مسرع ماودرته
يا غالى يا مر مرارك ...حن علي كلتنى نارك
يالولاف غلاكم طرفه ...غير اوقات الحي بظرفه
يا لولاف خذيتو مني ...عقلي واتقولوي كني
قاعد غير خيال بلاكم ...يا لولاف العقل امعاكم
كان عزيز طبيب انظاري ...لكن له مده متواري
كل نهار بعيب اتجوني...يا لولاف تقلدتوني
غلاكم نحسابو ايام ...طلع عام ايطارح فى عام
تبيعه تبعد فيه علي ...انظر فالغالي والله في
اللي نحمقها على لولاف...ترد علي غلا وارياف