غناوي للغناي سالم حمد

اعمد اعزاز يا مرسال ــ**ــ والغاية اتجيني الا بهم
تصافق اتريد اتطير ــ**ــ العين يا امواهيم شوركن
نصيبي العود لقطه ــ**ــ وخطيهم اللي رامي لهم
تميت من هذيك لهذي ــ**ــ ولهيت عالمغالاه والغلا
قديم نسوته خطرت ــ**ــ نهار صار بيني وبينهن
مرهون مابلاه انحمل ـ**ـ امغير هنا بيني وبينكم
بالله شي نبا شي علم ــ**ــ من اللي بعيد يا جاي جايبه
تليت ورد مرهونين ــ**ــ مسكون للغلا ريته جدب
ما تغفي نين اتقول ــ**ــ ننساهم او توعا مرايفه
بكيتك وفيك اوحلت __**__ وانا دخيلتك بيش تستكي
نخاف يالعين انغفل __**__ عليك تقرضيني مع غني
تلوعك وما ينطال __**__ ما اهناك عطب من جيرت الغني
كمين موجعه خطرت _**_ عليهن وجينا لدارهم
بعيد لام لومة عسف __**__ واحنا زمانا مايل بنا
جرحوا خاطري ودلوه _**_ صيور الغنايا يعظمو
الزم العين نوع طويل _**_ عليهم بكاته برضها
عزيز للخطا الكبير _**__ تهليب السوايا طمعه
الدار يا العين تعمي _**_ نلوذ بك عليها واقدعي
يجيب في بعيد قريب _**_ لنا الليل ما غيره عدو
في اليوم يا بعيد نحزي_**_ بحساب عام ما فيه ننظرك
مطارح ابكانه هنا _**_ اللي مي ورانا اصدارنا
يلويني ارياف انجيك_**_ وندير يوم يا دار القد
من طول عازتي مازلت-**- نلغث انقول يانا يا اقدم
يمشي بلاش يا لولاف _**_ نخاف منرجا عيني لكم
جرحه خاطري وهلبه _**_ واخرى عزيز وانا عالدوا
انريده وجاب الله _**_ اعزاز للخطا بيه بادروا
مرسالهم اتقول اشغلك _**_ خذابك خلا وايش قالك
لدارهم اخطيته خفت _**_ كمين درب ريته ايجيبني
حتمت في عزيز الياس _**_ تباكن ابكا موش فقفقه
ان كان انت جايب جيب _**_ بعيد يا نصيبي لخاطري