فيك ادموع وفينا لوعه ... ياعين عذارك مقطوعه
جرت دمع العين لقطنا ... منغادي عالدار سقطنا
اتريدي لولاف ايداووك ... ابلوعه عالوعه زادوك
ميت موت امرايف عللي ... بين النومين ايخيلي
اللي قاس الوعه امعروف ... ادموعه ديما عالهيفوف
حالي حال جديد الوعه ... ديمه عالهيفوف ادموعه
حالي حال اللي ديربا ... شوق وما والي سامربا
حالي حال اللي لعبوبا ... حساد وميس من صوبا
جاسر ونظاري دعني ... عالنيران اوكال كلني
الدار بعد هذاك العز ... اليوم خلاها شين ايلز
لوهام علي قل عزيمه ... ماشي جاي عليهن ديمه
الدنيا لواح وحباس ... انشد من لعبت بيه وقاس
انعدولك يادار اقدم ... انردوا ماليانين ندم
الغالي يما قدرناه ... امغير اخسرناه اخسرناه
واجد يادار بكينالك ... لكن ماغيرنا حالك
عمري ماداجيت ادموعي ... كي ننظام ايجن في طوعي
جاني يامرهون سلامك ... مانفست الا قدامك
الغالي لاذعني لذعات ... انموت وهن في علامات
كي يرضوا لولاف الباقي ... ماني حتى بيهم شاقي
انخطيلك خطيلي جاي ... اقسم مشوار غلاك امعاي
شايلك نيه في بالي ... كي موج المالح ياغالي
قولي لك ياغالي غالي ... ماعمر اطمع بيها والي
مع كل خطاوي لدار ... مع جوفي ترقي يانار
انراجوا في مقطوع نصيب ... امراجات الحارث شابيب
بكاها في دار المرهون ... اشبوب وقلتلها بالهون
الغالي يجفاني نجفاه .... ايريد ايراجيني نرجاه
غالي لكن كي تجفاني ... نجفاك علي طول زماني
كلمه ملولاف انقالت ... تبرم في عقلي مازالت
قالوا قال عزيز توازت ... كي وصلتني قلت وجازت
بيني يامرهون وبينك ... خراب غلا عيني عينك
دمعي عالغالي والغالي ... لو يالي ولو في حالي
سكات الغالي لاقيني.... كل نهار ابعيب ايجيني
اللي خطر عالعين اقدم ... امخطم عندا فيهم دم
انشيلك من توا لدار .... انكان احملتي لذع النار
بيت غلاي كربتا روح ... هو كوم ونا جيت امطوح
بيت غلاي اخيا هو كله ... بيدات اطرقتا ومشله
اللي ماجابنا لقسام .... تقلدني في كل منام
ياللي يلون فيك اقسامك ... نداوى حتى بسلامك
يوم خطاهم ضاقت برقا ... والنار مع جوفي ترقا
سرقت عين الغالي لنا ... كا املاقاه اترهدنا
ياغالي في كل املاقا ... مازالت عينك عواقا
يادار الاما الغوالي ... ماريت غلا منك والي
كادتني مرهون نسيتا كي ماكادتني قسميته
فارق مرهون وجورها ... حالف يقهرها وقهرها
مانحساب قديم اتكيده ... قول سلام بلا مد ايده
كي نبقى نحضر ونغيب ... نعرف دار عزيز اقريب
كان عزيز وكنت انعزه ...واليوم الدوا منحزه
نا نحسب والياس حسبلي ... حسبه طال غوالي قبلي
هد العين وهد اريافي ... سوق خذني شور اولافي
علي ماقسنا من تلذيع ... وخيذه يانار التوديع