غناوي للغناي شمس الدين العبيدي
°°°°°°°°°°°
غبيت العين في لولاف ....تخطر عليك من طولت الرجا
سماحة الغلا مجحود...... وسماحة السوايا مصادرة
قديم يالعين اضلمك...... غليت علية روحا وسيبك
من قالك اتبوحي بيه..... غلاهم احذا ناس شامتة
يبكيلي وهو مرهون...... واكل قديم روحا م الندم
عزيز يالعين عليك....... عزوم دار ديري دوتا
لوكان في رحيلا طلت....... عزيز مامشى لو بالذي
عشم العين يامرهون...... عليك بان ماداملك غلا
عليها عزيز ايغلا ....... لها انقلت ياعين ايسي
فالخاطر اعزوم ودمع...... زعزاعة الخطا ماعقبت
من حوستك احذاي عرفت....... هافينك اقدم ليش ساكته
من ضيم ياعزيز غلاك ......الخاطر اللي جاه ساده
انخاف ياعزيز عليك...... تنقيع السوايا يهونك
للناشد حجايج خير...... مابا عزيز فيى ايقولهن
مزنة غلاك يالقدم ......اهزينا عليها ادايرت
توارن اتقول ابروق ......ايام الغلا ماطولن
في غوط ياعزيز العقل..... رامي ابذار ماجاته مطر
في الخاطر اعزوم ودمع...... زعزاعة الخطا ماعقبت
ثقلة اخطاك يامرسال..... هيالي انها مارة خطا
وديته عزيز ب صوب....... امغير ماثمر فيه بوزعا
طروك ياقديم نشدت ......عالخاطر ادموعا اساقطن
اسكاتك علي مافيك...... استر وخير يالعين مالبكا
عزيز غير حظا زين...... فالخاطر سواياه واجدا
عزيز وين ناره فيك ......انشرت قال نابيدي بري
م الموتى غلاي حسبت...... سبحانا اللي عاش وعمر
اطعمة يالعين ابكاك .......نذوق وين لولاف يخطرو
لنظار جاليات بعيد..... من يالا غنايا ودارهم
°°°°°°°°°°°
غبيت العين في لولاف ....تخطر عليك من طولت الرجا
سماحة الغلا مجحود...... وسماحة السوايا مصادرة
قديم يالعين اضلمك...... غليت علية روحا وسيبك
من قالك اتبوحي بيه..... غلاهم احذا ناس شامتة
يبكيلي وهو مرهون...... واكل قديم روحا م الندم
عزيز يالعين عليك....... عزوم دار ديري دوتا
لوكان في رحيلا طلت....... عزيز مامشى لو بالذي
عشم العين يامرهون...... عليك بان ماداملك غلا
عليها عزيز ايغلا ....... لها انقلت ياعين ايسي
فالخاطر اعزوم ودمع...... زعزاعة الخطا ماعقبت
من حوستك احذاي عرفت....... هافينك اقدم ليش ساكته
من ضيم ياعزيز غلاك ......الخاطر اللي جاه ساده
انخاف ياعزيز عليك...... تنقيع السوايا يهونك
للناشد حجايج خير...... مابا عزيز فيى ايقولهن
مزنة غلاك يالقدم ......اهزينا عليها ادايرت
توارن اتقول ابروق ......ايام الغلا ماطولن
في غوط ياعزيز العقل..... رامي ابذار ماجاته مطر
في الخاطر اعزوم ودمع...... زعزاعة الخطا ماعقبت
ثقلة اخطاك يامرسال..... هيالي انها مارة خطا
وديته عزيز ب صوب....... امغير ماثمر فيه بوزعا
طروك ياقديم نشدت ......عالخاطر ادموعا اساقطن
اسكاتك علي مافيك...... استر وخير يالعين مالبكا
عزيز غير حظا زين...... فالخاطر سواياه واجدا
عزيز وين ناره فيك ......انشرت قال نابيدي بري
م الموتى غلاي حسبت...... سبحانا اللي عاش وعمر
اطعمة يالعين ابكاك .......نذوق وين لولاف يخطرو
لنظار جاليات بعيد..... من يالا غنايا ودارهم