اماسكة ع النار
بين
احميدة العريبي..... عوض حامد ......محمد بوخليل
....................................
مشابك يا عيني الزمان ...... نهيتك عن كبر النيران
"" عوض حامد ""
********************************
ما من نار اللي لذاعة ...... غير العين الها القناعة
"" محمد بوخليل ""
********************************
اتريد الخاطر ما من نار ...... امغير علي روحة دبـّار
"" احميدة العريبي ""
********************************
حتى لو عمرك جبابك ....... ديري للنيران احسابك
"" احميدة العريبي ""
********************************
ايريد امروة كبر النار ....... ونحنا يا لنظار اكبار
"" محمد بوخليل ""
********************************
كبر النار عليش ايهابة ....... و الخاطر في عز شبابة
"" احميدة العريبي ""
********************************
كبر النار زمانة عدة ...... كله من قلة المودة
"" عوض حامد ""
********************************
كبر النار زمانة ساير ...... غير ايريد ايدين حراير
"" احميدة العريبي ""
*******************************
قلتلها يا عين غراضي ........ قالت ياما له الماضي
"" محمد بوخليل ""
*******************************
اللي فاتت فاتت ياعين ....... تعالي شوفي روحك وين
"" عوض حامد ""
*******************************
فيه العقل اللي ميجودة ........ نين يموت وهي منضودة
"" محمد بوخليل ""
*******************************
اللي فاتت ماعاد ترد ....... اتقن جتكن نار هدد
"" احميدة العريبي ""
*******************************
اللي قادر عالنار ايشيل ....... تلذيع امعا طول الليل
"" محمد بوخليل ""
********************************
ايخطر فاللي فات عليش ....... وجمرك يا نار طراطيش
"" احميدة العريبي ""
********************************
الشي المطرطش ياعين ....... ايجنة هاذين وهاذين
"" عوض حامد ""
********************************
من بدري فيش انقولولك ....... نار عزيز اتريد اطولك
"" احميدة العريبي ""
*********************************
سماحته ياعين صهيد ...... ايطولك مو نار جراريد
"" عوض حامد ""
*********************************
العين نظرها ياما جاب ....... امغير اطوح في منشاب
"" احميدة العريبي ""
**********************************
مرهون ايطرطش في نارة ...... قايس والله قل ادبارة
"" عوض حامد ""
**********************************
ناري يا مرهون اتريدك ...... كان اتبعني كر ايدك
"" احميدة العريبي ""
**********************************
احجرها نارك يا مرهون ...... ماحتة تبقى كانون
"" عوض حامد ""
*********************************
ياما ساير في امسلم ...... ننظر نار وما نتكلم
"" محمد بوخليل ""
********************************
النار اللي ما سن اتهاب ......... الها يا عقلي دير احساب
"" احميدة العريبي ""
********************************
نار المرهونين خطيها ....... وصاك الوصاي عليها
"" عوض حامد ""
********************************
كانون المرهون اصدافك ........ لميهن ياعين اطرافك
"" احميدة العريبي ""
*********************************
من نار المرهون انسرقي ........ راكي تدّفي تنحرقي
"" احميدة العريبي ""
**********************************
خلك يا عيني منقرة ......... كانون المرهون مضرة
"" احميدة العريبي ""
***********************************
دارت نار عزيز السنـّـة ....... غير التدفاية مي لنـّة
"" عوض حامد ""
**********************************
أوقــات التدفاية ياعين ..... اتضرك يالا كانونين
"" احميدة العريبي ""
**********************************
من سني نستاخر عنك ...... يانار اتريديني كنك
"" محمد بوخليل """
**********************************
كـانون المرهون صهيدة ....... طايل فالحاجة البعيدة
"" عوض حامد ""
***********************************
كانون المرهون ايريدك ...... شيلي روحك منك بيدك
"" احميدة العريبي """
***********************************
كانون المرهون نضرتي ........ ما تلتامي كان حجرتي
"" عوض حامد ""
***********************************
يا مرهون العقل يعارك ....... ينقر و لا يقرب نارك
"" محمد بوخليل ""
***********************************
*****************************************