نبذه عن الشاعر
سعد بوخويدم برعصي لعيت عبد وهو من سكان
منطقة مراوه ويقول سعد .....
يبقاللك عدوا فاخر الوقت ... ولد بوك وامك وصارت
احترت فالتحاسيب واشفقت ... والنار اصهرت نين جارت
وايدي علي ايدي صفقت ... واللي احتارت انهارت
ومنيش مالعجب ما اشوقت ... والناس ع المواجع اجارت
جواد الحياه وين طبقت ... علي خيل غزيان غارت
خذيت الخلا فيه وازمقت ... نين شمس غيضي توارت
وتمت اتهيل ونشدت القمر فاخر الليل ... والدير والبلط والعقاير
ونشدت العقل والمشاميل .. ونشدت الخلع والبكاير
ونشدت الخلط والمعازيل ... وروس الحسك فالمطاير
وجيت للجبل والجلاجيل ... ننشد ودايخ وحاير
علي من علي جرت السيل ... وين ينظرا ويش داير
من حاشن المشا والمهابيل ... وهن امغير كيف الضراير
الليل يقسمن فيه بالكيل ... اسمور كيف قسم الغراير
متاكي علي قلت الحيل ... وقل صايبات الدباير
وياس كيف تقل المشاويل ... علي كي عمات الوتاير
اخلال خالفه طق تنقيل ... ماو لكل حد يا فكاير
وايشيل الجمل حمل وايميل ... ويصير كل شي بالقداير
فيش تنضرن يا مشاغيل ... يا مراجيات البشاير
هطيل دمعكن ماو هيل ... اتقول تكبرن في خداير
انكان غير داكن مكابيل ... من ياس الغلا في خساير
يا ما جرن من تهاويل ... عليكن انمل الفتاير
انكان عندكن للبكا حيل ... انقول دس الدفاير
يا نا قايدي طقر تنعيل ... ايطول فالنعل والمكاير
القول نرتعب من الغاييل ... انجاب غيض والقدر فايل
وما انريد ع السامع(القاري) انطيل ... شهير دبو دين الحراير
هاك القدح يا مغيليل ... اامخرزق عسل ماو عزاير
وما انريد للنفس تهليل ... غلا اسباب جبد الجهاير
العقل كي كما داه تبديل ... ايبان ع الغلا مالمواير
وزناد الخطا من المعاويل ... علي امشاط خونة امخاير
اللي هي سبب هالمناويل ... ونزحة شراب الغواير
امفيت هي اللي تنسا الجميل .... وتنقظ شميط العماير
وحياة عينها عين الهميل ... ما تنعطا للطير طاير
بالله يوم يمسن هجاجيل ... الخيل دم الهن تغاير
رصاص حمر فيه ورجاجيل ... وفيه خيل قرح نكاير
ايزيد غيضهن من التواليل ... امزاوات بخش التداير
وانكان الخطا ساب الدليل ... ويش تشرعوا يا سهاير
هذي سيدها رد ع الخيل ... اسياق امها بالنزاير
هذي ماي ارباوت مناعيل ... غزال دف عاشر عشاير
هذي ديها بالمعاديل ... وخزر عينها سيف جاير
مرادي جررها طويل ... اسقتني امرار المراير
سعد بوخويدم برعصي لعيت عبد وهو من سكان
منطقة مراوه ويقول سعد .....
يبقاللك عدوا فاخر الوقت ... ولد بوك وامك وصارت
احترت فالتحاسيب واشفقت ... والنار اصهرت نين جارت
وايدي علي ايدي صفقت ... واللي احتارت انهارت
ومنيش مالعجب ما اشوقت ... والناس ع المواجع اجارت
جواد الحياه وين طبقت ... علي خيل غزيان غارت
خذيت الخلا فيه وازمقت ... نين شمس غيضي توارت
وتمت اتهيل ونشدت القمر فاخر الليل ... والدير والبلط والعقاير
ونشدت العقل والمشاميل .. ونشدت الخلع والبكاير
ونشدت الخلط والمعازيل ... وروس الحسك فالمطاير
وجيت للجبل والجلاجيل ... ننشد ودايخ وحاير
علي من علي جرت السيل ... وين ينظرا ويش داير
من حاشن المشا والمهابيل ... وهن امغير كيف الضراير
الليل يقسمن فيه بالكيل ... اسمور كيف قسم الغراير
متاكي علي قلت الحيل ... وقل صايبات الدباير
وياس كيف تقل المشاويل ... علي كي عمات الوتاير
اخلال خالفه طق تنقيل ... ماو لكل حد يا فكاير
وايشيل الجمل حمل وايميل ... ويصير كل شي بالقداير
فيش تنضرن يا مشاغيل ... يا مراجيات البشاير
هطيل دمعكن ماو هيل ... اتقول تكبرن في خداير
انكان غير داكن مكابيل ... من ياس الغلا في خساير
يا ما جرن من تهاويل ... عليكن انمل الفتاير
انكان عندكن للبكا حيل ... انقول دس الدفاير
يا نا قايدي طقر تنعيل ... ايطول فالنعل والمكاير
القول نرتعب من الغاييل ... انجاب غيض والقدر فايل
وما انريد ع السامع(القاري) انطيل ... شهير دبو دين الحراير
هاك القدح يا مغيليل ... اامخرزق عسل ماو عزاير
وما انريد للنفس تهليل ... غلا اسباب جبد الجهاير
العقل كي كما داه تبديل ... ايبان ع الغلا مالمواير
وزناد الخطا من المعاويل ... علي امشاط خونة امخاير
اللي هي سبب هالمناويل ... ونزحة شراب الغواير
امفيت هي اللي تنسا الجميل .... وتنقظ شميط العماير
وحياة عينها عين الهميل ... ما تنعطا للطير طاير
بالله يوم يمسن هجاجيل ... الخيل دم الهن تغاير
رصاص حمر فيه ورجاجيل ... وفيه خيل قرح نكاير
ايزيد غيضهن من التواليل ... امزاوات بخش التداير
وانكان الخطا ساب الدليل ... ويش تشرعوا يا سهاير
هذي سيدها رد ع الخيل ... اسياق امها بالنزاير
هذي ماي ارباوت مناعيل ... غزال دف عاشر عشاير
هذي ديها بالمعاديل ... وخزر عينها سيف جاير
مرادي جررها طويل ... اسقتني امرار المراير