الله والنبي يا عين ما تنسيهم

الله والنبي ديمه علي ذكراهم***خليك يا عيني واقضه لغلاهم

يا عين ما تنسي تجبدي مطراهم***ديمه انريدك جايبه ماضيهم

ايام الدلال اللي خذيت معاهم***وزاد ما تنسي وين ما انلاقيهم

ايصبو حافيا كان كلمناهم ***ايجونا طرابه مادين ايديهم

اعزاز ما ابسيه عمر وجعناهم*** نا كنت نبيهم وهم يببوني

ما احسبت في لخر ايصير فرقاهم***وناعلي نار قاعد انراجي فيهم

ودايراحسابي كان صار دناهم***انزعل جميع الناس وانرضيهم

لكن القيت الياس في مثناهم*** بيمين حالف مالنا ايعطيهم

وانتي انريدك تذرفي بأسماهم***لعند بكرا بالدموع عليهم

يا املذعه كبي علي فرقاهم***يا امقهروها دونك القسم اخطيهم

يالنايمه نوضي راه صار جفاهم***عليش ساكته هيا احقوق عطيهم

يا امرايفه قاعده اليوم بلاهم***دونك انكانك غاويا تبيهم

يالعين جره مالقيت وراهم***وين كيف عدو ربنا داريهم

كنك انسيتي اعزاز ما ننساهم***كيف ينتسو قولي اللي شاريهم

مازلت ما ننسى كل شي امعاهم*** ومازال شورهم يالعين حنيني