مابت اتوالف غيره****العين حاسه فجوة عزيز كبيره
دللتا مابـــــت
دللتــــــــــا فــــي كـــــــازه**** بلاد الجمال اللي اتعــوزك عـــــــازه
كمين بنت شوفتها نهار مفــازا **** ولها وصف سبحانه علـى تصويره
عيون من يبوع فوق من مركازه**** وين ماتجي تـرتج بتخنســــــيره
نا لحكــوها جاضر وهي هدرازه****بحلو الكلام اللـي عسـل من قــيره
وان طالـت القعده ما نعوز اجازه***** لاني موظف لا وراي بــصيـره
لــكن العـــين القيتها بوازه**** وتصقـص على اللي بالاعجـاب جـديره
مازال واخـــذهـا عزيـز مجازه**** ماتحــمـل جـــاويـــه ولابنـــديـــره
اللي علقتا مي مابيه اتوازه**** عليه دمعها مابا أيـكـف قــــــطـــيــــره
ابقول ياغني حتى وهي منحازه****بين الجناين عندهــا تــــقـــذيــــــره
مابت اتوالف غيـره** العين حاسه فجوت عزيز كبيــره
دللتا مابــت
وفــــي فـــــرشــــــــافــــه ***** بـلاد الشعـر الاصفـــر اللــي يــسـافه
نا نقول طيعيني وهي سوافه****وفي هوادتي صارت لها تشــقـــيــره
حتي وهي علي دار العزيز مسافـه****مي مابيه تنـــسى هذيـك الجـيره
ولا عنــــــــدها غيره ولا خرافــــــه****انزازيبها وتقول نا في حيـره
ليل ونهار وهس يوم اصدافــه****عليه ساكبه سكبت امطار العيــــره
اللي مي (انويو) وبارقه خطافــــه****ارجاع سمح من عينا تبدد خيـره
على علو برقه والبلط واجوافه****والوادي اللي ما يتوه فيه خبيــــــره
اللي انكان هي جاته القود هجافـه****تقبا كل يوم اتزيد فالتنـويــــــــره
مخراف وربيع وصوقرو مصيافـه****ويقعد اسنين ولاغبي تائثيـــــره
خطرها اتغونينت اللي رايافه****علي دار مي كيف الديار شهيـــــــره
مابت اتوالف غيـره** العين حاسه فجوت عزيز كبيــره
دللتا مابــت
دللتها في كيـــــــــــف*********بلاد النساء والبرهجا والكيــــــــــف
لكن العين اتريد حب شريـف **** مع بو قطاطي كاسيــــات ظميـــــره
حتي وين ما خوفتا تخويــــف****ولها قلت هذي فرصتــك لاخيــــــره
حاست علي اتريد وطن الريــف****وتريد بيت مبني والفراش حصيـره
وفيه بنت تدودش الها توصيف **** ما خالطه تزويق من كوفيــــــــره
ولها عيون يرزن سود يا لاطيف****اسهام تحت تظليمة اهدوب غزيـرة
يخلن اللي روزه ثقيل خفـــــيف****ان كان اسحرنا كل شي يديـــــــــره
مرات يهلب عيلتا بالسيــــــف****وعند المعاتب تنحسب تعزيــــــــــره
امغير خلها تمشي سحابة صيف **** وعلي عين تداره عيون كثيـــــره
مابت اتوالف غيـره** العين حاسه فجوت عزيز كبيــره
دللتا مابــت
دللتها في جربــــــــــــــه********ولبيت تونس كلها من غربــــــــــه
ولبيت الجنوب وقلت راس الحربه****اساع ينقطع ونغيرو المسيــــره
لكن العين موالفه ع المربــــــــي****خذت ليلها تطوي تقول اسيـــــره
ودارت طواطي في بلاد الغربــه****وشالت وماردت علي الشيـــــره
ولاعندها فاهق غلا تسمربــه****امفيت القديم اللي اتباه ضريـــــــره
جميل المسايل بوقطاطي صربـــه****نقول نتركه وتعود في تخطيـــره
وحتي العقل مايحضر اوقات الكربه****غير عليه وهضا هو تفكيــــره
مرايف علي دنو العزيز وقربــه****جا لسيلها يطفر خذاه طفيــــــــره
مابت اتوالف غيـره** العين حاسه فجوت عزيز كبيــره
دللتا مابــت
مابت توالف والـــــــــــــــي****تاخذ الليل وهي مغير تـــــشالـــــــــي
العين والعه بعزيز قبل وتالي****وتنوه بقولت ما القيت نضيــــــــــره
ونا نقول كان اتدوريلك غالي****مغير احرثي بالك اتجيك مطيـــــــره
الا هضا حاجة غير كان اتسالي****واللي يديرها مولاك فيها خيــــره
ومامن غلا فاتن عليه اجالــــي****وين ماعمر تما الياس قميــــــــره
ومامن فريق اللي مخرب جالي****اجواد من اجواد وينتمو لعشيــــره
شالن رحالينا اصبح جالـــــي****ومن يوما جلا ماجت عليه نذيــــــره
وفيهم اللي جاهم عدو مايبالــــــي****وخلنهم طيايره احطام دميــــــره
يا الحايسه عدو خلا فالخالـــــي****وبيهم اسمت فالبساط عقيـــــــــره
ومايسير شي الا بمار العالـــــي **** وهالشي كله راه من تسخيــره
ونا نقولك مالك ومال اهبالـــــي****خلي التبن غاطي يالعين شعيــــره
مافي ماكرب امعاك احبالـــــــي****عقاب عمر خله ينتهي بستيـــره
مابت اتوالف غيـره** العين حاسه فجوت عزيز كبيــره
دللتا مابــت
ولا ناسيتــــــــــــــــــــــــــه******ولاعند شي مغير من قابيــــتــــه
عليها احجر ولغيرها قسميته****باتت وهي صارت لها تكديـــــــره
بشبوب دمع متخلط مع تنهيته****تشوكع نصيب وعندها تدييـــــــره
وكان قلت ريضي ريت هالبهيته****تقول غير ما عندك عليهن غيـره
مطاير الغلا وكلن ومن شاويته****الياس وين ما عول على تحجيــره
طويل القصص مول العيون فليته****عيون صقر جلوله عليك جضيره
ماتقول عمرك يوم جايل جيـــــــــته****وحر القبالي ما تهاب سعيــره
وتروح الاممنون من ناحيته **** ما عمرها جاتك ولا تكشــــــــــيره
واليوم مقعدا حجر وحجر بيته **** وكيف حالنا باتت عليه حشيــــــره
وكسر الخواطر واعره مطريته **** وكان كسر يد اتلايمه الجبيــــره
مابت اتوالف غيـره** العين حاسه فجوت عزيز كبيــره
دللتا مابــت
دللتا مابـــــت
دللتــــــــــا فــــي كـــــــازه**** بلاد الجمال اللي اتعــوزك عـــــــازه
كمين بنت شوفتها نهار مفــازا **** ولها وصف سبحانه علـى تصويره
عيون من يبوع فوق من مركازه**** وين ماتجي تـرتج بتخنســــــيره
نا لحكــوها جاضر وهي هدرازه****بحلو الكلام اللـي عسـل من قــيره
وان طالـت القعده ما نعوز اجازه***** لاني موظف لا وراي بــصيـره
لــكن العـــين القيتها بوازه**** وتصقـص على اللي بالاعجـاب جـديره
مازال واخـــذهـا عزيـز مجازه**** ماتحــمـل جـــاويـــه ولابنـــديـــره
اللي علقتا مي مابيه اتوازه**** عليه دمعها مابا أيـكـف قــــــطـــيــــره
ابقول ياغني حتى وهي منحازه****بين الجناين عندهــا تــــقـــذيــــــره
مابت اتوالف غيـره** العين حاسه فجوت عزيز كبيــره
دللتا مابــت
وفــــي فـــــرشــــــــافــــه ***** بـلاد الشعـر الاصفـــر اللــي يــسـافه
نا نقول طيعيني وهي سوافه****وفي هوادتي صارت لها تشــقـــيــره
حتي وهي علي دار العزيز مسافـه****مي مابيه تنـــسى هذيـك الجـيره
ولا عنــــــــدها غيره ولا خرافــــــه****انزازيبها وتقول نا في حيـره
ليل ونهار وهس يوم اصدافــه****عليه ساكبه سكبت امطار العيــــره
اللي مي (انويو) وبارقه خطافــــه****ارجاع سمح من عينا تبدد خيـره
على علو برقه والبلط واجوافه****والوادي اللي ما يتوه فيه خبيــــــره
اللي انكان هي جاته القود هجافـه****تقبا كل يوم اتزيد فالتنـويــــــــره
مخراف وربيع وصوقرو مصيافـه****ويقعد اسنين ولاغبي تائثيـــــره
خطرها اتغونينت اللي رايافه****علي دار مي كيف الديار شهيـــــــره
مابت اتوالف غيـره** العين حاسه فجوت عزيز كبيــره
دللتا مابــت
دللتها في كيـــــــــــف*********بلاد النساء والبرهجا والكيــــــــــف
لكن العين اتريد حب شريـف **** مع بو قطاطي كاسيــــات ظميـــــره
حتي وين ما خوفتا تخويــــف****ولها قلت هذي فرصتــك لاخيــــــره
حاست علي اتريد وطن الريــف****وتريد بيت مبني والفراش حصيـره
وفيه بنت تدودش الها توصيف **** ما خالطه تزويق من كوفيــــــــره
ولها عيون يرزن سود يا لاطيف****اسهام تحت تظليمة اهدوب غزيـرة
يخلن اللي روزه ثقيل خفـــــيف****ان كان اسحرنا كل شي يديـــــــــره
مرات يهلب عيلتا بالسيــــــف****وعند المعاتب تنحسب تعزيــــــــــره
امغير خلها تمشي سحابة صيف **** وعلي عين تداره عيون كثيـــــره
مابت اتوالف غيـره** العين حاسه فجوت عزيز كبيــره
دللتا مابــت
دللتها في جربــــــــــــــه********ولبيت تونس كلها من غربــــــــــه
ولبيت الجنوب وقلت راس الحربه****اساع ينقطع ونغيرو المسيــــره
لكن العين موالفه ع المربــــــــي****خذت ليلها تطوي تقول اسيـــــره
ودارت طواطي في بلاد الغربــه****وشالت وماردت علي الشيـــــره
ولاعندها فاهق غلا تسمربــه****امفيت القديم اللي اتباه ضريـــــــره
جميل المسايل بوقطاطي صربـــه****نقول نتركه وتعود في تخطيـــره
وحتي العقل مايحضر اوقات الكربه****غير عليه وهضا هو تفكيــــره
مرايف علي دنو العزيز وقربــه****جا لسيلها يطفر خذاه طفيــــــــره
مابت اتوالف غيـره** العين حاسه فجوت عزيز كبيــره
دللتا مابــت
مابت توالف والـــــــــــــــي****تاخذ الليل وهي مغير تـــــشالـــــــــي
العين والعه بعزيز قبل وتالي****وتنوه بقولت ما القيت نضيــــــــــره
ونا نقول كان اتدوريلك غالي****مغير احرثي بالك اتجيك مطيـــــــره
الا هضا حاجة غير كان اتسالي****واللي يديرها مولاك فيها خيــــره
ومامن غلا فاتن عليه اجالــــي****وين ماعمر تما الياس قميــــــــره
ومامن فريق اللي مخرب جالي****اجواد من اجواد وينتمو لعشيــــره
شالن رحالينا اصبح جالـــــي****ومن يوما جلا ماجت عليه نذيــــــره
وفيهم اللي جاهم عدو مايبالــــــي****وخلنهم طيايره احطام دميــــــره
يا الحايسه عدو خلا فالخالـــــي****وبيهم اسمت فالبساط عقيـــــــــره
ومايسير شي الا بمار العالـــــي **** وهالشي كله راه من تسخيــره
ونا نقولك مالك ومال اهبالـــــي****خلي التبن غاطي يالعين شعيــــره
مافي ماكرب امعاك احبالـــــــي****عقاب عمر خله ينتهي بستيـــره
مابت اتوالف غيـره** العين حاسه فجوت عزيز كبيــره
دللتا مابــت
ولا ناسيتــــــــــــــــــــــــــه******ولاعند شي مغير من قابيــــتــــه
عليها احجر ولغيرها قسميته****باتت وهي صارت لها تكديـــــــره
بشبوب دمع متخلط مع تنهيته****تشوكع نصيب وعندها تدييـــــــره
وكان قلت ريضي ريت هالبهيته****تقول غير ما عندك عليهن غيـره
مطاير الغلا وكلن ومن شاويته****الياس وين ما عول على تحجيــره
طويل القصص مول العيون فليته****عيون صقر جلوله عليك جضيره
ماتقول عمرك يوم جايل جيـــــــــته****وحر القبالي ما تهاب سعيــره
وتروح الاممنون من ناحيته **** ما عمرها جاتك ولا تكشــــــــــيره
واليوم مقعدا حجر وحجر بيته **** وكيف حالنا باتت عليه حشيــــــره
وكسر الخواطر واعره مطريته **** وكان كسر يد اتلايمه الجبيــــره
مابت اتوالف غيـره** العين حاسه فجوت عزيز كبيــره
دللتا مابــت