ماتعرف نحنا من نحنا

السلام عليكم

هذه قصيدة رداً على الطاغيه القردافي في قوله من انتم

ماتعرف نحنا من نحنا
اسباب شقاك انت وعيالك ياهرواك هاذول ضنا عيسى الوكواك تريس يظهر في وقت المحنا
نحن هم همك
نحن اللي نشفنا دمك نحن اسباب كداك وغمك وماتعرف نحنا من نحنا
اسباب اهمومك
نحنا اللي طيرنا نومك نحنا كسارين اخشومك وماتعرف نحنا من نحنا
نحن فرسان
اسباب هلاكك ياجبان تريس عتل مانا جرذان وياويلك كان تواجهنا
نحنا هل برقه
نحنا اللي درنالك حرقه في جوفك تحدر ماترقى نين تعدي وتريحنا
نحن مصراته
خشمك ياتافه واطاته نحناككله ونحنا الزناته ماتعرف نحنا من نحنا
نحنا نالوت
مع الزاويه نسقيك الموت هاذول اسيادك ياسلفوت وماتعرف نحنا من نحنا
نحنا الرجبان
ارجال فراسين وشجعان انموتوا في وسط الميدان ولا شكلك يرجع يحكمنا
نحن فزان
اللي محاصرها ياجبان اللي فيها زارع خيان وبالفتنه تبي تفرقنا
الليبين
اللي في طرابلس منحازين اللي محاصرها يالاعين وبالقوه تبي تحكمنا
نحنا اللي ثرنا
من البيضاوالمرج ودرنه وبنغازي نين تحررنا وماتعرف نحنا من نحنا
نحن من طبرق
من القبه وشحات والابرق مو جيشك من شيح وشبرك يللي في العالم فاضحنا
سبايب عارك
نقصف نين ندمر دارك نين تهرب وتشيل اصغارك من ظلمك بيش تريحنا ماتعرف نحنا من نحنا